Asociación Cultural Faceira

La Asociación Cultural Faceira reclama a la Deputación de Llión y al Ayuntamientu de Llión que regulen la bandera y l’escudu provincial y municipal, respectivamente, y los sous usos oficiales

El pasáu 22 de xineiru de 2024 l’Asociación Cultural Faceira solicitóu ⸻n’exerciciu del dereitu constitucional de petición⸻, a la Deputación Provincial de Llión y al Ayuntamientu de Llión que procedieran, respectivamente, a regular oficialmente tanto la bandera cumo l’escudu provincial y municipal, ya que carecen d’esta regulación, onque sí existen banderas y escudos oficiosos de los que las suas configuraciones van variando no tiempu ensin criterios craros.

L’antigüedá del llión heráldicu cumo símbolu de Llión (del reinu, de la sua monarquía, de la rexón, de la provincia, de la ciudá de Llión y finalmente del propiu puebru llionés), asina cumo la sua pervivencia, evolución y incorporación a las banderas y escudos d’España y de la Comunidá Autonoma de Castiella y Llión, son feitos incuestionables. El llión heráldicu representóu a Llión, a lo llionés y a los llioneses a lo llargo de siegros, polo que’l sou valor simbólicu, patrimonial y afectivu pal puebru llionés amerita un tratamientu regulatoriu rigurosu y dignu, cumo’l que ya tienen las banderas y escudos de la gran mayoría de los municipios y provincias del nuesu país.

Por ello Faceira solicitóu a estas administraciones que, siguiendo los calces legales previstos pa ello, dicten la normativa que regule la configuración, dimensión, proporción, cromatismu y usos oficiales de la bandera y del escudu provincial y municipal de Llión, requiriendo nesi sentíu los informes correspondientes.

CALECHOS D’HIBIERNU 2024: Cantando con Xeitu

El vienres 2 de febreiru escomienzan las xornadas culturales tituladas Calechos d’hibiernu, entamadas pola Asociación Cultural Faceira y la Conceyalía d’Acción y Promoción cultural del Ayuntamientu de Llión, qu’anguaño tienen cumo eixe temáticu la música y tradición oral llionesa.

El calechu yera una reunión típica de los pueblos de la montaña noroccidental llionesa, concretamente de las comarcas de Ribas de Sil, Ḷḷaciana, Vabia, Oumaña, Ḷḷuna, Ordás y El Bierciu, onde se conoz cono nome de caleyu. Al cabu la tarde, axuntábanse varios vecinos y/ou achegáos na calle –se’l tiempu lo permitía– ou na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’hibiernu, estación na qu’había menos que facer que n’outras épocas del añu. Parez que tantu’l vezu cumo’l términu tienen el sou orixe nas xuntanzas que se facían antaño pa repartir las velías de caltenimientu, cebáu y andar al pesque de las trapas pa llobos, chamadas calechos, asina cumo determinar outros detalles d’ellas. El calechu yera principalmente una tertulia na que se comunicaban las anuncias de la vida diaria, anque tamién podía xugase a las cartas y contase historias divertidas, cuentos y cosillinas, estas últimas dedicadas especialmente a los rapaces. Tamién yera’l momentu no que s’acordaba áu s’axuntarían pola nueite pal filandón anque, estremáu d’ésti, no calechu nun se solía trabayar y, por tanto, tenía un aquel mayormente lúdicu, d’ehí’l protagonismu de la xente moza en muitos casos. Pero amás d’engayolar, dacuando’l calechu tenía un llau pedagóxicu, yá que yera aproveitáu polos padres pa deprender a los sous fiyos cousas de la escuela.

Cona celebración de los Calechos d’hibiernu, l’Asociación Cultural Faceira y la Conceyalía d’Acción y Promoción Cultural del Ayuntamientu de Llión non solo rinden homenaxe a esta costume, senon qu’intentando xuntar esparcemientu y educación, buscan emponderar y difundir una parte del gran patrimoniu cultural llionés al traviés d’una conferencia y trés charlas-conciertos que serán protagonizadas por cinco llioneses baxo’l siguiente programa:

02/02/2024. José Ignacio Suárez García (Llión): «Cantares en llionés, una llengua minorizada» (conferencia).

09/02/2024. Rodrigo Martínez (Llión): “Tradición y creación en llionés” (charla-conciertu).

16/02/2024. Edilberto Rodríguez (Pombriegu, Llión): “Música tradicional cabreiresa” (charla-conciertu).

23/02/2024. Dúo Tsacianiegas (Samiguel, Ḷḷión): ““Música ḷḷacianiega y d’alredore” (charla-conciertu).

Tódalas intervenciones son de vienres ya principian a las 19:30 horas no Palaciu del Conde Ḷḷuna (Praza del Conde Ḷḷuna, 24003, Llión)

Dirección y coordinación: José Ignacio Suárez García

L’ASOCIACIÓN CULTURAL FACEIRA INFORMA AL CONSEYU
D’EUROPA DEL REITERÁU INCUMPRIMIENTU DE LA JUNTA
DE CASTILLA Y LEÓN DEL ARTÍCULO 5.2 DEL ESTATUTU
D’AUTONOMÍA, Y DE LA CARTA EUROPEA DE LAS
LLENGUAS REXONALES OU MINORITARIAS RESPECTIVE A
LA LLENGUA LLIONESA

Miembros de l’Asociación Cultural Faceira reuniéronse’l pasáu 17 de
xineiru de 2024 na sede del Instituto Cervantes en Madrid cono Comité
d’Expertos designáu pol Conseyu d’Europa pal control de l’aplicación
n’España de la Carta Europea de las Llenguas Rexonales ou Minoritarias
(CELRM). En dicha reunión l’Asociación Cultural Faceira presentóu un
informe dirixíu al Conseyu d’Europa no que se detalla’l reiteráu
incumprimientu de la Junta de Castilla y León tanto del artículu 5.2 del
Estatutu d’Autonomía, cumo de la Carta Europea de las Llenguas
Rexonales ou Minoritarias, tratáu internacional subscritu por España y
qu’obriga a adoptar una serie de mididas pa la salvaguarda de las llenguas
españolas, incluyida la llionesa.
El Conseyu d’Europa tampouco recibíu nin de la Junta de Castilla y León
nin del Estáu Español, garante del cumprimientu d’esti tratáu internacional
de defensa de las llenguas minoritarias europeas, la información que se-ys
solicita dende l’añu 2012 sobre la situación del llionés y las mididas
adoptadas pa la sua promoción.
L’informe presentáu pola asociación documenta que Castilla y León
incumpre las obrigaciones que determina’l CELRM pal llionés, pues esta
llengua nun s’ufierta cumo asignatura no sistema educativu de la Comunidá
(artículu 7.1 f y g del tratáu), l’administración autonómica nun despriega
nenguna midida práctica pa la sua promoción (artículu 7.1 c), tampouco se
facilita’l sou empréu oral y escritu na vida pública y na vida privada
(artículu 7.1 d), nin se desarrollóu lexislativamente l’artículu 5.2 del
Estatutu d’Autonomía 17 años despuéis de la sua entrada en vigor (artículu
7.1, parágrafu inicial).
L’informe tamién detalla la política discriminatoria de la Junta de Castilla y
León p’hacia los falantes de llionés, vulnerando’l artículu 7.2 de la
CELRM, y que tien la sua expresión más elocuente no feitu de que de las

tres llenguas qu’empara y reconoz l’Estatutu el Autonomía, la castellana (la
única oficial), la gallega y la llionesa, esta última ye la única que carez de
protección en Castilla y León ou de presencia no sistema educativu de la
Comunidá.
A lo llargo de 2024 el Conseyu d’Europa emitirá dictame con base na
información recoyida pol Comité d’Expertos que visitóu España esti mes
de xineiru.

Añada: revista d’estudios llioneses (númaru 4)

Ya puede consultase la versión electrónica del númaru cuatro d’Añada: revista d’estudios llioneses, una publicación académica editada pola Asociación Cultural Faceira en colaboración cona “Cátedra de Estudios Leoneses” (CELe), na que, por primer vez en Llión, puede escribise en llionés. El númaru cuatro, que yá está disponible no repositoriu de revistas electrónicas de la Universidá de Llión (ULErevistas), recueye estudios d’urbanismu, xeografía, lexicografía, demografía y arte. Los artículos están firmaos por Sergio Tomé, David Gallinar Cañedo, Aarón Armando Alonso Nogueira, Juan-Miguel Álvarez Domínguez y César García Álvarez. El volume, amás, vien rematáu con dúas recensiones, una de Nicolás Bartolomé Pérez sobre’l llibru La pruma braba. Crónicas i ansaios de filologie i lhenguística mirandesa. Bragança, Fundaçâo Mensageiro de Bragança (271 pp) d’António Bárbolo Alves (2022) y outra de Ricardo Chao Prieto sobre’l llibru El imaginario tradicional leonés. Mitología, brujería y zoología fantástica en un reino milenario. Editorial Cultural Norte (261 pp) de Nicolás Bartolomé Pérez (2021).

Fundada y dirixida pol llionés José Ignacio Suárez García, sociu de Faceira y profesor de musicoloxía de la Universidá d’Uvieo, Añada ye un annuariu interdisciplinar que recueye, a xeitu de coyeita añal, dalgunos de los fruitos producíos polas arias d’Artes y Humanidades centraos en temas llioneses. La revista, que cuenta con un Conseyu de Redacción y un Conseyu Asesor, reuníu alredor d’ella investigadores de prestixu nos sous respectivos campos de conocimientu que proceden d’universidades d’España, Alemania, Austria, Estaos Uníos, Francia, Irlanda, Italia, México y Portugal.

Añada publica investigaciones, revisiones críticas y recensiones bibliográficas sobre cualquier aspectu históricu, xeográficu, lingüísticu ou cultural relacionáu con Llión, un términu que, por coherencia científica, ha d’entendese en sentíu latu, qu’atiende tamién –según los casos– a outros territorios relacionaos y vecinos. Amás, anque la llengua de la revista ye l’asturllionés, accéptanse tamién estudios nas –y sobre las– outras llenguas patrimoniales de Llión, esto ye, el castellanu y el gallegoportugués.

CALECHOS D’IVIERNU 2023: Con mirada de muyer

El vienres 3 de febreiru escomienzan las xornadas culturales tituladas Calechos d’iviernu, entamadas pola Asociación Cultural Faceira y la Conceyalía d’Acción y Promoción cultural del Ayuntamientu de Llión. Anguaño tienen cumo eixe temáticu la muyer en Llión y el sou papel na historia, na arquitectura tradicional y na tresmisión de la música de tradición oral, conteníos que vienen a completase con una conferencia d’apertura, d’asuntu ecolóxicu y igualmente realizada por una muyer, sobre la conservación del urogallu cantábricu.

El calechu yera una reunión típica de los pueblos de la montaña noroccidental llionesa, concretamente de las comarcas de Ribas de Sil, Ḷḷaciana, Babia, Oumaña, Ḷḷuna, Ordás y El Bierciu, onde se conoz cono nome de caleyu. Al cabu la tarde, axuntábanse varios vecinos y/ou achegáos na calle –se’l tiempu lo permitía– ou na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’iviernu, estación na qu’había menos que facer que n’outras épocas del añu. Parez que tantu’l vezu cumo’l términu tienen el sou orixe nas xuntanzas que se facían antaño pa repartir las velías de caltenimientu, cebáu y andar al pesque de las trapas pa llobos, chamadas calechos, asina cumo determinar outros detalles d’ellas. El calechu yera principalmente una tertulia na que se comunicaban las anuncias de la vida diaria, anque tamién podía xugase a las cartas y contase historias divertidas, cuentos y cosillinas, estas últimas dedicadas especialmente a los rapaces. Tamién yera’l momentu no que s’acordaba áu s’axuntarían pola nueite pal filandón anque, estremáu d’ésti, no calechu nun se solía trabayar y, por tanto, tenía un aquel mayormente lúdicu, d’ehí’l protagonismu de la xente moza en muitos casos. Pero amás d’engayolar, dacuando’l calechu tenía un llau pedagóxicu, yá que yera aproveitáu polos padres pa deprender a los sous fiyos cousas de la escuela.

Cona celebración de los Calechos d’iviernu, l’Asociación Cultural Faceira y la Conceyalía d’Acción y Promoción Cultural del Ayuntamientu de Llión non solo rinden homenaxe a esta costume, senon qu’intentando xuntar esparcemientu y educación, buscan emponderar y difundir una parte del gran patrimoniu cultural llionés al traviés de trés conferencias y una charla-conciertu que serán protagonizadas por siete muyeres llionesas baxo’l siguiente programa:

03/02/2023. Beatriz Blanco Fontao (Santa Lucía, Llión): «Los últimos feisanes».

10/02/2023. Teresa García Montes (Viguillina, Llión): “Espacios femeninos na arquitectura tradicional llionesa”.

17/02/2023. Miryan Rodríguez San José (Ponferrada, Llión): “Muyeres na historia de Llión”.

24/02/2023. Carmen Marentes, Yolanda García, Amanda Alvarez y Laura Collar (Ḷḷaciana, Llión): “La muyer y la tresmisión de la música de tradición oral” (Charla-Conciertu).

Tódalas intervenciones son de vienres ya principian a las 19:30 horas no Palaciu del Conde Ḷḷuna (Praza del Conde Ḷḷuna, 24003, Llión)

Dirección y coordinación: José Ignacio Suárez García

Carmilla, la novela qu’inspiróu a Bram Stoker na creación de Drácula, agora disponible en llionés

La obra inaugura la colección Lletras Universales de la nuesa asociación baixo’l sellu d’Eolas Ediciones. Esta novela curtia, publicada pol irlandés Joseph Sheridan Le Fanu en 1872, anuévase nuna traducción al llionés realizada por Xairu López, con ilustraciones de Ricardo Escobar y prólogu de Laura Collar. La obra presentaráse nos próximos días en Llión, Uviéu y Xixón.

Esta novela curtia, publicada en 1872 pol escritor irlandés Joseph Thomas Sheridan Le Fanu, foi traducida al llionés por Xairu López, autor de La Fueya Rota y outros relatos (2020). La obra, foi amás prologada por Laura Collar y ilustrada pol artesanu gráficu Ricardo Escobar, que ya contribuyera conas suas ilustraciones a numerosas publicaciones cumo Llión Máxicu, Los Reis de Llión ou Esbardu, vocabulariu llionés ilustráu.

Esta traducción, publicada por Eolas Ediciones, inaugura la colección Lletras Universales cona que la nuesa asociación finca l’obxectivu de poner a disposición de los lectores dalgunas de las obras más relevantes de la literatura universal traducidas a la llengua llionesa.

La novela curtia Carmilla ye una de las principales fontes de las que bebíu Bram Stoker pa crear la que quiciabes sía la figura más universal del terror fantásticu: Drácula. Esta inquietante historia de vampiros presenta por primer vez a estos cumo seres elegantes y atractivos, del mesmu xeitu aborda’l tema del erotismu y amor lésbicu nuna época na que la’argumentu abultaba fondamente controvertíu. La trama narra la historia de Laura y sou padre, habitantes d’un vieyu castiellu n’Estiria (Austria) xunto a los sous sirvientes. La sua tranquila y monótona vida cambia de repente cuando, frente a ellos, un carruaxe ocupáu por una muyer y por Carmilla, la sua formosa y xoven fiya, sufre un aparatosu accidente. Tres la decisión del padre de Laura de que la enigmática Carmilla quede no castiellu xunto a ellos hasta alitar del sucesu, ruchará entre las xovenes una relación d’amistá que trescala la llinia del más apasionáu amor en metá d’una riestra d’alarmantes feitos que xiran alredor del comportamientu de la recién chegada.

El llibru ya puede adquirise online a traviés de www.eolasediciones.com y está disponible en cualquier llibrería de referencia.

PRESENTACIONES

La historiadora Mª Teresa García Montes presenta La judería de León, una monografía sobre la historia de la comunidad hebrea de la ciudad de León en la Edad Media

La obra, publicada por Eolas Ediciones y con la colaboración del Ayuntamiento de León, ha sido escrita por Mª Teresa García Montes, y viene acompañada por las ilustraciones de Ricardo Escobar Espiniella y las fotografías de Javier Díaz Barrera.

La PRESENTACIÓN tendrá lugar el próximo LUNES 12 de diciembre, a las 19:30, en el Palacio del Conde Luna, León.

A diferencia de lo ocurrido en otras ciudades españolas, apenas quedan restos de lo que fue la judería de León. Su asentamiento fue difuminándose con el paso del tiempo, pero los judíos leoneses dejaron un rastro poderoso: abundante documentación medieval y un yacimiento arqueológico que ha arrojado mucha luz y que ofrece un futuro muy prometedor.

Ese rastro fue seguido por los historiadores y arqueólogos que consiguieron rescatar del olvido la que fue, probablemente, la judería más importante del noroeste de la Península Ibérica durante la Alta Edad Media.

Este libro es una monografía destinada a todo aquel que quiera conocer a fondo la historia y la vida de los hebreos de León. Sus ilustraciones son obra de Ricardo Escobar Espiniella, y las fotografías son de Javier Díaz Barrera.

La obra ya se encuentra disponible en todas las librerías de referencia de la ciudad de León. De igual manera, puede comprarse online en la página web de la editorial que lo publica, Eolas Ediciones (www.eolasediciones.es).

María Teresa García Montes (La Bañeza, 1978) es licenciada en Historia por la Universidad de León (2001), y técnico superior en Conservación y Restauración de Bienes Culturales por la Escuela Superior de Arte de Asturias (2005).

Durante varios años ha compaginado su trabajo de restauradora de obras de arte con el mundo editorial. Elaboró los textos de varios documentales de la colección Por los caminos del agua. Los Ríos de León (2008). Fue becada por el Museo Etnográfico de Castilla y León para la realización del proyecto Memoria, Territorio y Patrimonio (2010).

Ha colaborado con Faceira en la realización de la numerosa obra editorial de esta asociación cultural, y es la autora de un capítulo de La Cultura Leonesa (2021). Desde 2018 es profesora de Geografía e Historia en Secundaria y Bachillerato. La judería de León es su primera obra en solitario.

VII Cursu d’Iniciación a la Llengua y Cultura Tradicional Llionesas

AVISU IMPORTANTE:
Tódalas prazas disponibles del cursu ya está cubiertas
.

Calca eiquí p’acceder al programa detalláu cono link al programa

La nuesa asociación, cono patrociniu del Ayuntamientu de Llión, concretamente de la Conceyalía d’Acción y Promoción Cultural, cumpriendo cono sou compromisu cona defensa y promoción de la llengua y cultura llionesas, y ante l’exitu de los cursos llevaos a cabu los pasaos años, organiza’l sou séptimu cursu d’iniciación al nuesu idioma en modu presencial que vai tener llugar na ciudá de Llión, concretamente nas aulas de la consultoría de formación Skala, asitiada na calle Jorge de Montemayor, 6.

El cursu tendrá una duración total de 50 horas lectivas que s’impartirán cada vienres ente las 17,00 y las 19,00 horas, dende’l 11 de noviembre del presente añu hasta’l 26 de mayu de 2023. Las crases contarán cumo base de trabayu cona guía gramatical de llionés Xurdir y el manual prácticu d’iniciación Falar con Xeitu, editaos entrambos los dous pola nuesa asociación, amás d’outros materiales didácticos que serán entregaos a cada alumnu, cumo la guía didáctica La Cultura Leonesa, dientro’l preciu de matrícula. Xunto al aspectu concretamente lingüísticu, el cursu abordará tamién outras cuestiones cumo la literatura, historia, toponimia, mitoloxía, arquitectura tradicional, música y tradición oral; patrimoniu, encuestación, indumentaria tradicional ou comportamientos y costumes na sociedá llionesa; contando con profesores con fonda experiencia y competencia en cadagunu d’esos eiros.

Tódolos interesaos en matriculase pueden facelo en Skala Formación, calle Jorge de Montemayor, 6. El preciu de matrícula ye de numás un pagu únicu de 20 €. Las prazas son limitadas. Pa más información contactar na nuesa dirección de corréu asociacionfaceira@gmail.com

Llugar: Skala Formación, calle Jorge de Montemayor, 6.

Crases: Los vienres de 17,00 a 19,00 horas dende’l 11 de noviembre de 2022 hasta’l 26 de mayu de 2023.

Horas lectivas: 50.

Preciu: 20€ (pagu únicu)

Materias, horas y profesores:

  • Iniciación a la llengua llionesa – 30 horas (Xairu López).
  • Historia de la literatura en llengua llionesa – 2 horas. (Nicolás Bartolomé Pérez).
  • Mitoloxía llionesa – 2 horas (Ricardo Escobar).
  • Toponimia y mediu natural de Llión – 2 horas (Alejandro Díez).
  • La destrucción del patrimoniu llionés– 2 horas (Miryan Rodríguez).
  • ¿Qué ye la cultura llionesa? Características, costumes y comportamientos no substractu cultural cisastur – 2 horas (Xuan Getino).
  • Indumentaria tradicional llionesa – 2 horas (Laura Collar).
  • Historia del Reinu de Llión – 2 horas (Ricardo Chao).
  • Arquitectura tradicional llionesa – 2 horas   (Teresa García Montes).
  • Música y tradición oral llionesas – 2 horas (David Álvarez Cárcamo).
  • Sociolingüística y encuestación – 2 horas (Álvaro Lobato).

Añada: revista d’estudios llioneses (númaru 3)

Yá puede consultase la versión electrónica del númaru trés d’Añada: revista d’estudios llioneses, una publicación académica editada pola Asociación Cultural Faceira en colaboración cona “Cátedra de Estudios Leoneses” (CELe), na que, por primer vez en Llión, puede escribise en llionés. El númaru trés, que yá está disponible no repositoriu de revistas electrónicas de la Universidá de Llión (ULErevistas), recueye estudios de vexicoloxía, lingüística, sociopolítica, historia y música. Los artículos están firmaos por José Manuel Díez Alonso, Dennis Álvarez Guerrero, José Ignacio Torres Montesinos, Christian Fernández Chapman y Andrea García Torres. El volume, amás, vien rematáu con una recensión d’Iván Cuevas sobre’l llibru La lengua leonesa: literatura y textos. Cátedra de Estudios Leoneses-Universidad de León, de José Ramón Morala, Roberto González-Quevedo y Nicolás Bartolomé Pérez.

Fundada y dirixida pol llionés José Ignacio Suárez García, sociu de Faceira y profesor de musicoloxía de la Universidá d’Uvieo, Añada ye un annuariu interdisciplinar que recueye, a xeitu de coyeita añal, dalgunos de los fruitos producíos polas arias d’Artes y Humanidades centraos en temas llioneses. La revista, que cuenta con un Conseyu de Redacción y un Conseyu Asesor, reuníu alredor d’ella investigadores de prestixu nos sous respectivos campos de conocimientu que proceden d’universidades d’España, Francia, Austria, Portugal, México, Irlanda y Estaos Uníos.

Añada publica investigaciones, revisiones críticas y recensiones bibliográficas sobre cualquier aspectu históricu, xeográficu, lingüísticu ou cultural relacionáu con Llión, un términu que, por coherencia científica, ha d’entendese en sentíu latu, qu’atiende tamién –según los casos– a outros territorios relacionaos y vecinos. Amás, anque la llengua de la revista ye l’asturllionés, accéptanse tamién estudios nas –y sobre las– outras llenguas patrimoniales de Llión, esto ye, el castellanu y el gallegoportugués.

Portada del númaru trés d'Añada, revista d'estudios llioneses

Resume Calechos d’iviernu n’homenaxe a Eva González

Cumo nun podía ser d’outra manera, l’andanciu de COVID-19 marcóu la edición de los Calechos d’iviernu, entamaos por cuarta vuelta pola Asociación Faceira conxuntamente cono Ayuntamientu de Ḷḷión, dando continuidá, asina, a esta serie de actividades añales sobre cousinas d’eiquí que cheganon yá a la quinta edición.

Escomencipióu’l ciclu’l 6 de marzu del 2020 con una conferencia na que’l fichu de la homenaxeada, Roberto González-Quevedo, introdúxonos en requeixos pouco conocíos d’Eva cumo escritora, siempres dende una perspectiva fonderamente humana que chegóu a emocionar a un públicu que chenóu completamente la sala, hasta alcanzar el cientu’l númaru d’asistentes.

Malapenas una sumana espués, hubo qu’atachar la edición por mor del confinamientu, yá que quedanon aparadas tódalas actividades presenciales. Asina, tuvo que se retomar el restu del ciclu no mes de febreiru del 2022, cona capacidá máxima de la sala limitada namás qu’a 40 personas. Na primer actividá, una mesa redonda sobre «El xurdimientu literariu del ḷḷionés», Xairu López, Francisco González-Banfi, Rubén García ya Iván Cuevas reflexionanon ya expusienon los sous respectivos puntos de vista sobre’l sentíu d’escribir actualmente en ḷḷionés, qué facer pa incentivar la producción nesta ḷḷingua, qué papel tien que xugar cumo elementu de normalización lingüística, qué temáticas deben abordase na literatura en ḷḷionés, cuála yía la situación al respective de los sous estudios, cuálas son las influencias de la literatura casteḷḷana ya asturiana na literatura ḷḷionesa, qué fórmulas podrían manexase d’empléu del ḷḷionés n’obras escritas en casteḷḷanu, cuála yía la situación en Zamora ou cuála yía la súa valoración de la producción d’Eva Gonzalez, entre outros temas. La sala chena, ya eso qu’esi día había na ciudá muito bien d’actividades a la mesma hora, entre eḷḷas, un conciertu, una conferencia de música ya la presentación d’un ḷḷibru sobre l’autonomía de Ḷḷión.

Nicolás Bartolomé fixo un repasu sobre «El xurdimientu literariu del ḷḷionés (1980-2020)», una miente que tien trabachada abondo ya que foi obxetu recién d’una publicación (CELe, 2021). Na súa briḷḷante conferencia, Bartolomé encalcóu la importancia de la producción ḷḷionesa de los últimos cuarenta anos ya cúmo ésta sigue medrando na actualidá, con bien de nomes que convidan a pensar en positivo ya con ciertu optimismu. La sala chena casimente: 37 personas.

El grupu musical D’Urria, compuestu por José Manuel Sabugo ya Dani Álvarez, tocóu un conciertu no que pudimos oyir mui bien de cantares con ḷḷetra ḷḷionesa d’Eva González ya Emilce Núñez, entre outros autores. El públicu, que chenóu la sala, salíu contentísimu ya emocionáu espués de sentir los sones ya los cantaríos oufrecíos por estos músicos excelentes.
Réstanos, namás, da-ḷḷy las gracias a tódolos intervinientes ya, tamién, a tódolos asistentes a las charlas, naguando porque foran del sou interés ya convidándo-ḷḷys tamién a qu’acudan a la próxima edición, que yá tamos entamando.